Pensím úðakrem

EINSTAKT Í SINNI RÖÐ

PENZIM inniheldur hreinsuð próteinkljúfandi meltingarensím úr Norður-Atlantshafsþorskinum sem veiddur er við strendur Íslands.

HREIN NÁTTÚRUAFURÐ

Í Penzim eru öflug hreinsuð meltingarensím úr íslenskum þorski ásamt öðrum náttúrulegum innihaldsefnum.

Penzim er mildur alhliða áburður sem hefur virkað vel á margskonar verkefni tengd húðinni, vöðvum, liðum og ýmsum óþægindum. Í Penzim eru engin rotvarnarefni, fita, olía, ilm- eða litarefni sem valdið geta ofnæmisviðbrögðum.

REYNSLUSÖGUR

  • Helga Kristín Guðmundsdóttir

    Þann örlagaríka dag, 18. maí 2013, lentum við hjónin í alvarlegu bílsslysi á Snæfellsnesinu. Ég skarst illa í andliti, m.a. á kinnbeini, enni og eyra. Verstur var skurðurinn á kinnbeininu, en hann náði alveg inn að kinnbeini. Ég var með umbúðir á sárunum í rúmar tvær vikur.

    Lýtalæknirinn sagði mér að það tæki allavega ár fyrir svona mikið sár að gróa og að það væri líklegt að ég þyrfti að fara í lýtaaðgerð að ári liðnu. Þegar sárið var gróið fór ég að bera á mig Penzim gelið vegna þess að ég hafði heyrt að Penzim væri algjört undra gel fyrir ör og annað slíkt. Nú hef ég borið Penzim á mig daglega í þrjá mánuði og árangurinn er sláandi. Örin eru nánast ósjáanleg og ég mun því ekki þurfa að fara í lýtaaðgerð að ári loknu, þökk sé Penzim.

    Ég er afar þakklát fyrir að fá að deila minni sögu og mæli svo sannarlega með Penzim.

  • Ásta Kristjánsdóttir

    Ég hef verið með exem og ofnæmi alla tíð. Frá því að ég var barn hafa læknar reynt að finna út hvað veldur þessu og líka hafa verið prófaðar margar aðferðir til að losna við ofnæmið og exemið verið prófaðar, allt frá því að maka mig daglega upp úr tjöru til sterkra stera. Því miður hefur lítið haft áhrif á þessa sjúkdóma en læknarnir mínir hjálpa mér við að halda þeim niðri með ýmsum ráðum. Ég fer t.d. í ljós 3-5 sinnum í viku, ber á mig rakakrem, forðast stress og tek Histasin daglega. Ég nota líka sterakrem daglega. Einn góðan veðurdag þegar andlitskremið mitt kláraðist greip ég Penzim spreyið og notaði í andlitið. Það sem gerðist var að mér fannst þægilegt að setja það á, efnið fór strax inn í húðina og hún hélst rök lengi. Það besta var samt að ég hef nú notað penzímið í 5 vikur eingöngu og ekki fengið exem/ofnæmisblett í andlitið sem er annað hvort kraftaverk eða Penzim að þakka. Ég nota Penzim til að fyrirbyggja að ég fái ofnæmi í andlitið, passa að nota það 2-3 sinnum á dag og er ótrúlega þakklát fyrir að hafa fundið þessa lausn sem er ekki heldur dýr. Ég sé mun á húðinni minni þannig að mér finnst hún unglegri og heilbrigðari, jafnvel hafa eh línur minnkað líka.

  • Jón Sigurðsson

    Frá æsku þjáðist ég af einhversslags ofnæmi, útbrot á húð, sem náði frá hvirfli til ilja. Þetta var ekki psoriasis, en ég þekki ekki hvort þetta hafi verið psoriasis tengt. Skv. upplýsingum húðsjúkdómalæknis er/var þetta víst mjög algengur kvilli og engin skýring af hverju hann stafaði og mér sagt að ég yrði að lifa með þessu. Að læknisráði átti ég að bera á mig eitthvert spritt, sem ég man ekki hvað heitir, en það var tekið af markaði fyrir mörgum árum síðan. Það var algjör pína að bera þetta spritt á sig eða láta bera það á sig, því sviðinn undan sprittinu var óbærilegur. Vandamálið var meira yfir vetrarmánuðina, því sólin virtist slá á þetta, en þó ekki þar sem sólar naut ekki við, t.d. undir nærfötum. Strax að hausti sótti ofnæmið í sig veðrið með tilheyrandi vanlíðan og sprittnotkun.
    Vandamál mitt leystist ekki við að sprittið var tekið af markaði, öðru nær, það jókst. Þá fór ég að leita til húðsjúkdómalækna til að fá bót meina minna. Ein af þeim aðferðum sem notaðar voru var að fara í sérstök ljós, sem eru fyrir Psoriasis-sjúklinga. Eitthvað sló á ofnæmið, á meðan ljósameðferðin stóð yfir, en fór alltaf í sama farið aftur að meðferð lokinni.


    Ég frétti af PENZIM hjá mágkonu minni, sem hafði fengið það til reynslu á framleiðslustigi, en hún hafði átt við bólgu í hné að stríða. Hún vildi meina að PENZIM hafi hjálpað sér, því bólgan leið hjá. Ég man ekki hvort hún útvegaði mér brúsa af PENZIM í fyrstu eða hvort ég fékk það í apóteki. Fyrir mig var þetta eins og að finna galdraefni. Ég ætlaði ekki að trúa því að áhrif efnisins væru eins áhrifarík og reyndin var. Fyrst notaði ég efnið eingöngu þegar útbrotin brutust út á líkama mínum, en í dag ber ég þetta öllu jöfnu á mig eftir að ég fer í bað eða sund. Þá ber ég þetta á allan líkamann. Ofnæmið sem var mér plága hér áður fyrr er ekkert vandamál í dag. Þakka ég PENZIM fyrir.


    Fyrir mig er þetta slíkt töfraefni, að ég get svo sannarlega mælt með því við hvern sem er og búinn að benda mörgum á það. Þeir eru líka margir sem hafa þakkað mér fyrir að benda sér á PENZIMI, því það hafi virkað eins og ég var búinn að lofa því. Það hafa margir spurt mig að því hvort ég væri á launum við að kynna PENZIM, en svo er ekki, því mér finnst rétt að benda fólki á hluti, sem getur komið því til góða. Í minni fjölskyldu er ég kallaður „talsmaður PENZIM á Íslandi“. Ég er ánægður með þá nafnbót.

  • Valgerður Guðmundsdóttir

    Rúmlega tveggja ára dóttir mín hefur, eins og gengur, brunnið nokkrum sinnum á bleyjusvæðinu. Fyrst notaði ég lífrænt bossakrem sem er ágætt svosem en þurfti að bera það á í nokkra daga svo hún yrði góð. Einn daginn fann ég það ekki en mundi eftir penziminu sem ég átti inn í skáp. Pumpaði vel yfir brunna svæðið og það var ekki að sjá á henni daginn eftir að hún hafi brunnið. Þetta er lyginni líkast. Mæli með að foreldrar bleyjubarna prófi þetta þegar þau þurfa að grípa næst til bossakrems.
     

  • Rósa Björg

    Þannig er að síðasta haust fór ég í erfiða geislameðferð og brann mjög illa undan geislunum, ég reyndi eins og mögulegt var að fá einhverjar upplýsingar hjá læknunum mínum hvaða krem ég gæti notað sem gætu hjálpað mér. Ég fékk engin ráð hjá þeim en vinkona mín benti mér á þetta og gaf mér bæði gelið og lotion til að ég gæti prófað. Þetta bjargað mér algjörlega, húðin greri á svæðunum sem ekki höfðu gróið almennilega, einnig hvarf allur kláði og sviði. Í desember sama ár fór ég í viðfangsmikla skurðaðgerð og eitt skurðarsvæðið greri illa. Um leið og ég mátti fara að bera krem á, þá fór ég að nota gelið. Þegar að ég hitti svo lækninn minn varð hann mjög glaður hversu mikið skurðurinn hafði gróið. Ég sagði honum frá PENZIM og því að ég væri alveg sannfærð um að það væri að hjálpa mér. Ég er búin að fara á geisladeildina og láta hjúkkurnar þar vita af þessu ef einhver annar sjúklingur spyr um það hvaða krem væri gott að nota. Einnig er ég mikið í Ljósinu og þar er ég búin að benda mínum konum á þetta undraefni. Ég stikla bara á stóru en ég varð að koma þessu á framfæri við ykkur.

  • Sigurður Jónsson

    Mig langar að deila með ykkur reynslu minni af PENZIM og tannholdsbólgum. Ég er búinn að vera berjast við stöðugar tannholdsbólgur sem leiða til þess að það blæðir úr gómnum. Í gegnum árin hef ég prófað margar meðferðir en án árangurs. Fyrir rúmlega ári síðan byrjaði ég að bursta tennurnar upp úr PENZIM geli og fann mun um leið. Tannholdsbólgan byrjaði að hverfa og það hætti að blæða. Aðferðin mín var þannig að ég byrjaði fyrst á því að bursta tennurnar með tannkremi og svo burstaði ég með PENZIM annan hvern dag. Þegar bólgan hvarf þá burstaði ég með PENZIM einu sinni í viku. Það jafnast ekkert á við PENZIM!

Kraftur ensímanna eykst til muna þegar þau vinna við líkamshita mannsins
og eru ensím af þessum styrkleika vandfundin,
hvort heldur sem er í dýra- eða jurtaríkinu.

INNIHALD

Glycerin, Vatn, Penzyme®, Alcohol, Calcium chloride, Tromethamine og Hydrochloric Acid.

Mælt er með notkun PENZIM 2-3 sinnum á dag eða eftir þörfum.

FYLGSTU MEÐ